اسلام آباد(ویب ڈیسک)
17اکتوبر2026
اسلام آبادکی انسداد دہشت گردی عدالت میں گلگت بلتستان کے سابق وزیر اعلیٰ خالد خورشید کو پیش کر دیا گیا۔
انسداد دہشت گردی عدالت کے جج ابوالحسنات محمد ذوالقرنین نے کیس پر سماعت کی۔ پولیس نے سابق وزیراعلی جی بی خالد خورشید کے 30 دن کے جسمانی ریمانڈ کی استدعا کی جسے انسداد دہشت گردی عدالت نے مسترد کر دیا۔
انسداد دہشت گردی عدالت نے خالد خورشید کو جوڈیشل ریمانڈ پر جیل بھیجنے کا حکم دے دیا۔
سابق وزیراعلی جی بی پی ٹی آئی رہنماخالد خورشید کے خلاف 26 نومبر احتجاج پر تھانہ آبپارہ میں مقدمہ درج ہے۔