اسلام آباد (ویب ڈیسک)
15 اکتوبر 2026
پاکستان کی کامیاب سفارت کاری اور پائیدار معاشی اصلاحات کے باعث پاکستان ایک بااعتماد اور مضبوط معاشی قوت بن چکا ہے۔ بیرون ملک مقیم پاکستانیوں کی بھیجی جانے والی ریکارڈ ترسیلات زر حکومت پر بھرپور اعتماد کی عکاس ہیں۔
مشیر وزیر خزانہ خرم شہزاد کے مطابق ستمبر 2026 میں ترسیلات زر 3.6 بلین ڈالر ریکارڈ کی گئیں جو سالانہ بنیاد پر 12.7 فیصد زیادہ ہیں۔
رواں مالی سال کی پہلی سہ ماہی میں ترسیلات زر 14 فیصد اضافے کے ساتھ 10.9 بلین ڈالر تک پہنچ گئیں۔
انہوں نےمذیدبتایا کہ سعودی عرب سے 899 ملین ڈالر، متحدہ عرب امارات سے 749 ملین ڈالر اور برطانیہ سے 515 ملین ڈالر کی ترسیلات موصول ہوئیں۔