اسلام آباد(ہیرالڈنیوز) حکومت نے ملک و قوم کے لیے خدمات انجام دینے والے اوورسیز پاکستانیوں اور دیگر شخصیات کے اعزاز میں مختلف سول ایوارڈز دینے کی منظوری دے دی۔تفصیلات کے مطابق حکومت کی جانب سے معروف کاروباری شخصیت سردار محمد الیاس خان کو خدماتِ پاکستان کے اعتراف میں اعلیٰ سول اعزاز ہلالِ امتیاز سے نوازنے کا فیصلہ کیا گیا ہے۔ سردار محمد الیاس خان کا نام خدماتِ پاکستان کے شعبے میں سول ایوارڈ کے لیے شامل کیا گیا ہے۔اسی طرح حکومت نے محمد اسد (مرحوم) کے لیے نشانِ امتیاز، پروفیسر احمد علی (مرحوم) کے لیے ہلالِ امتیاز جبکہ حاجی خان زمان سرور کے لیے ستارہ امتیاز کی منظوری دی ہے۔جبکہ مدینہ منورہ میں مقیم ڈاکٹر خالد عباس الاسدی کو سماجی خدمات کے اعتراف میں تمغہ امتیاز سے نوازا جائے گا۔دوسری جانب عالمی ادارہ صحت (ڈبلیو ایچ او) سے وابستہ ڈاکٹر مریم ملک کے لیے ستارہ امتیاز کی سفارش کی گئی ہے۔حکومت کی جانب سے سول اعزازات کی منظوری ان شخصیات کی ملک و قوم کے لیے خدمات، پیشہ ورانہ کارکردگی اور مختلف شعبوں میں نمایاں کردار کے اعتراف کے طور پر دی گئی ہے۔
تازہ ترین