اسلام آباد :پاکستان کرکٹ بورڈ کے زیر اہتمام نیشنل مینز انڈر 19 ون ڈے کپ 21 ستمبر سے شروع ہو گا جس میں ملک بھر کے 16 ریجنز کی 18 ٹیمیں حصہ لیں گی۔ ان ٹیموں کو دو گروپ میں تقسیم کیا گیا ہے۔ گروپ اے میں ایبٹ آباد، فیصل آباد، کراچی بلیوز، لاہور بلیوز، لاڑکانہ، ملتان، پشاور، کوئٹہ اور سیالکوٹ شامل ہیں۔ ان کے میچز شیخوپورہ کرکٹ اسٹیڈیم، رانا نویدالحسن کرکٹ اکیڈمی، شیخوپورہ اور لاہور کنٹری کلب مریدکے میں کھیلے جائیں گے۔