اسلام آباد(خصوصی نامہ نگار) فیڈرل بورڈ آف ریونیو (ایف بی آر)نے گریڈ 20 کے افسر معین الدین احمدوانی سمیت پاکستان کسٹمز سروس کےگریڈ 19 سے 21 تک کے 8 افسران کے تبادلے اور تقرریاں کردی ہیں اس حوالے سے فیڈرل بورڈ آف ریونیو(ایف بی آر)نے نوٹیفکیشن جاری کردیا ہے جس میں بتایا گیا ہے کہ گریڈ 20 کے افسر معین الدین احمد وانی کو کلکٹر کسٹمز انفورسمنٹ اسلام آباد تعینات کردیا گیا ہے وہ اس سے قبل کلکٹر کسٹمز اپریزمنٹ (ایسٹ) کراچی کے فرائض انجام دے رہے تھے گریڈ 21 کے افسر ڈی جی این این ڈی اے محمد جنید جلیل خان کو چیف کلیکٹر آف کسٹمز اپریزمنٹ (نارتھ) پشاور کا اضافی چارج تفویض کیا گیا ہے گریڈ 20 کے محمد جمیل ناصر خان کو چیف کلیکٹر آف کسٹمز (انفورسمنٹ) اسلام آباد جبکہ آغا سعید احمد کو کلکٹر کسٹمز انفورسمنٹ گڈانی تعینات کردیا گیا ہے رضوان صلابط کو ایف بی آر ہیڈکوارٹرز اسلام آباد میں چیف ایم/ایچ آرکسٹمز مقرر کیا گیا ہے گریڈ 19 کے جمشید علی تالپور کو کلکٹر (او پی ایس) کسٹمز انفورسمنٹ لاہور، مسز ارم سہیل کو کلکٹر (او پی ایس) کسٹمز اپریزمنٹ (ایسٹ) لاہور جبکہ افضال احمد کو کلکٹر (او پی ایس) کسٹمز اپریزمنٹ (ایسٹ) کراچی تعینات کردیا گیا ہے۔