اسلام آباد(ہیرالڈنیوز)یوم پاکستان کی تقریبات کے سلسلے میں 14 اگست 2026 کو جناح کنونشن سینٹر اسلام آباد میں خصوصی تقریب منعقد ہوگی، جس میں صدر اسلامی جمہوریہ پاکستان آصف علی زرداری شرکت کریں گے اور قوم سے خطاب کریں گے۔تقریب میں وزیراعظم محمد شہبازشریف، تینوں مسلح افواج کے سربراہان شریک ہوں گے ۔تفصیلات کے مطابق تقریب کا آغاز صبح 7 بج کر 30 منٹ پر مہمانانِ گرامی کی آمد سے ہوگا، جبکہ صدر مملکت کی آمد کے بعد مختلف ملی اور قومی پروگرام پیش کیے جائیں گے۔ تقریب میں تلاوتِ کلام پاک بمعہ ترجمہ، نعتِ رسول مقبول ﷺ، کلامِ اقبال، ملی نغمہ، قومی نغموں کا مجموعہ اور قومی ترانہ شامل ہیں۔ صدر آصف علی زرداری تقریب کے دوران گلوکاروں، موسیقاروں اور بچوں سے بھی ملاقات کریں گے، جبکہ ان کی تقریب سے روانگی صبح 9 بج کر 55 منٹ پر متوقع ہے۔تقریب میں شرکت کے لیے دعوت نامے جاری کیے گئے ہیں اور شرکاء کو دعوت نامہ اور اپنا شناختی کارڈ لازمی ہمراہ لانے کی ہدایت کی گئی ہے۔ انتظامیہ کی جانب سے واضح کیا گیا ہے کہ تقریب کے دوران کسی قسم کا نعرہ نہیں لگایا جائے گا۔ شرکاء کو موبائل فون، ڈیجیٹل ڈائری، دیگر الیکٹرانک اشیاء اور کھانے پینے کی اشیاء ساتھ لانے سے بھی منع کیا گیا ہے۔