ملتان (ویب ڈیسک)
13 اکتوبر 2026
ملتان میں شیر شاہ پل کے قریب رحمان بابا ٹرین خوفناک حادثہ کاشکار ہوگئی جس میں ٹرین کی تمام بوگیاں پٹری سے اتر گئی ہیں۔حادثے میں 5 مسافر جاں بحق جبکہ بتیس مسافروں کے زخمی ہونے کی اطلاعات موصول ہوئی ہیں۔
رحمن بابا ٹرین کراچی سے پشاور جا رہی تھی کہ ملتان میں شیر شاہ پل کے قریب ٹرین کی تمام 15 بوگیاں پٹری سے اتر گئیں۔
تازہ ترین تفصیلات کے مطابق ٹرین حادثے میں ابھی تک 5 مسافر جاں بحق اور 32زخمی ہونے کی ریلوے پولیس حکام نے تصدیق کی ہے۔حادثے کے بعد امدادی کارروائیاں جاری ہیں۔ ریسکیو حکام کے مطابق زخمیوں کو نشتر اسپتال ملتان منتقل کیا گیا ہے۔
رحمن بابا ٹرین حادثے کے بعد متاثرہ مسافر اپنے اپنے سامان کے ساتھ پٹری کے کنارے موجود ہیں۔
ادھر وزیراعظم شہباز شریفُ نے واقعہ پر نوٹس لیتے ہوئے متعلقہ حکام کوفوری اور تیز امدادی کارروائیاں کرنے کی ہدایت کرتے ہوئے واقعہ کی رپورٹ طلب کرلی ہے۔