اسلام آباد(ویب ڈیسک)
17اکتوبر2026
چیئرمین سی ڈی اے سہیل اشرف نےاسلام آباد میں صفائی مہم مزید تیز کرنے کی ہدایت کردی۔
سی ڈی اے کے مطابق صفائی مہم سال بھر جاری رہتی ہے جس کا مقصد صفائی کے معیار کو بہتر بنانا، کوڑا کرکٹ بروقت اٹھانا اور شہر کی خوبصورتی میں اضافہ کرنا ہے۔
چیئرمین سی ڈی اے کی ہدایات پر انوائرمنٹ ونگ مختلف سیکٹرز، شاہراہوں، گرین بیلٹس اور پارکس میں مربوط صفائی آپریشن جاری رکھے ہوئے ہے۔ ٹھوس فضلے کو باقاعدگی سے جمع کرنے اور سڑکوں کے کناروں کی صفائی پر خصوصی توجہ دی جا رہی ہے۔
چیئرمین سی ڈی اے سہیل اشرف نے کہا کہ صاف ستھرا اور منظم دارالحکومت عوامی صحت اور ماحولیاتی پائیداری کے لیے ضروری ہے، سی ڈی اے صفائی کے اعلیٰ معیار کو برقرار رکھنے کے لیے پرعزم ہے۔
ممبر انوائرمنٹ عبداللہ خرم نیازی صفائی سرگرمیوں کی نگرانی کر رہے ہیں جبکہ فیلڈ ٹیمیں مؤثر عمل درآمد یقینی بنا رہی ہیں۔
سی ڈی اے کا کہنا ہے کہ اسلام آباد کو صاف رکھنا مشترکہ ذمہ داری ہے، شہری کوڑا مناسب طریقے سے ٹھکانے لگائیں اور سرسبز علاقوں کی حفاظت میں تعاون کریں۔