اسلام آباد(ویب ڈیسک)
17اکتوبر2026
وفاقی وزیر داخلہ سید محسن رضا نقوی کے وژن اور چیئرمین سی ڈی اے سہیل اشرف کی قیادت میں وفاقی دارالحکومت کے شہریوں کو پانی کی مؤثر اور پائیدار فراہمی کے لیے آبی نظام کو جدید خطوط پر استوار کرنے کے امکانات کا جائزہ لیا جا رہا ہے۔
سی ڈی اے انتظامیہ کے مطابق ڈی جی اسلام آباد واٹر ایجنسی سردار خان زمری کی نگرانی میں انٹرنیشنل فنانس کارپوریشن کے نمائندوں کے ساتھ موجودہ انفراسٹرکچر کے تکنیکی اور مالیاتی جائزے پر مجوزہ تعاون پر بات چیت کی گئی، جس کا مقصد آپریشنل کارکردگی بہتر بنانا اور بجلی کی بچت کو فروغ دینا ہے۔
مجوزہ اقدام کے تحت تقریباً 200 ٹیوب ویلز، 40 اوورہیڈ واٹر ٹینکس اور پمپنگ اسٹیشنز کا جامع جائزہ لیا جائے گا۔ اس میں بجلی کے استعمال، پانی کے دباؤ، تقسیم کی کارکردگی اور اخراجات کا جائزہ شامل ہوگا۔
اس اقدام کے تحت جدید SCADA نظام متعارف کرانے کے امکانات کا بھی جائزہ لیا جائے گا جو پانی کی فراہمی کی لمحہ بہ لمحہ نگرانی اور خودکار کنٹرول میں معاون ہوگا۔
ابتدائی جائزے کے بعد مالیاتی و انتظامی فزیبلٹی اسٹڈیز تیار کی جائیں گی اور منظوری کے بعد بین الاقوامی مسابقتی بولی پر غور کیا جا سکتا ہے۔