چیئرمین کونسل آف اکنامک ایڈوائزرز اسٹیفن میران کو امریکی فیڈرل ریزرو کا گورنر مقرر کردیا گیا۔
غیر ملکی میڈیا رپورٹ کے مطابق امریکی صدر ڈونلڈ ٹرمپ نے چیئرمین کونسل آف اکنامک ایڈوائزرز اسٹیفن میران کو امریکی فیڈرل ریزرو کا گورنر مقرر کردیا۔
اسٹیفن میران 31 جنوری 2026 تک گورنر فیڈرل ریزرو رہیں گے، فیڈرل ریزرو بورڈ کی یہ نشست سابق گورنر کے اپنے عہدے سے استعفیٰ دینے کے بعد خالی ہوئی تھی۔
رپورٹ کے مطابق اسٹیفن میران اس وقت وائٹ ہاؤس کی کونسل آف اکنامک ایڈوائزرز کے چیئرمین کے طور پر بھی فرائض انجام دے رہے ہیں اور انہیں مالی پالیسی، لیبر مارکیٹ اور عالمی اقتصادیات پر گہری نظر رکھنے والے ماہر کے طور پر جانا جاتا ہے۔