پشاور(ویب ڈیسک)
10 اکتوبر 2026
صوبہ خیبر پختونخوا پولیس نے ہنگامہ آرائی اور احتجاجی مظاہروں سے نمٹنے کے لیے تحریری آپریشنل ہدایات جاری کر دی ہیں۔
پولیس حکام کے مطابق ہنگامہ آرائی، توڑ پھوڑ اور امن و امان کی صورتحال خراب کرنے میں ملوث عناصر سے قانون کے مطابق انتہائی سختی سے نمٹا جائے گا۔
اس ضمن میں جاری سرکاری مراسلہ میں کہا گیا ہے کہ کسی بھی ہنگامہ آرائی یا احتجاج کے دوران سرکاری تنصیبات، عمارتوں اور املاک کو کسی صورت نقصان پہنچانے کی اجازت نہیں دی جائے گی۔ پولیس اسٹیشنز، سرکاری عمارتوں، بینکوں، پیٹرول پمپس، تجارتی مراکز اور اہم شاہراہوں کے تحفظ کے لیے خصوصی انتظامات کئےجائیں گے۔
لہذا صوبہ بھرکی عوام کو خبردار کیا جاتا ہے کہ وہ کسی بھی غیر قانونی اجتماع، پُرتشدد سرگرمی یا اشتعال انگیزی کا حصہ بننے سے گریز کریں، بصورتِ دیگر قانون کے مطابق سخت ترین قانونی کارروائی کی جائے گی۔ امن و امان میں خلل ڈالنے، سیکیورٹی فورسز یا عمارتوں پر حملے کرنے یا شہریوں کی جان و مال کو خطرے میں ڈالنے والے عناصر کے خلاف قانون کے مطابق کارروائی یقینی بنائی جائے گی۔
کے پی کے پولیس احکام کی جانب سے کہا گیا ہے کہ شہری پُرامن رہیں، قانون کی پاسداری کریں اور شرپسند عناصر کے بہکاوے میں نہ آئیں، احتجاجی مظاہروں اور کارروائیوں کی ویڈیو ریکارڈنگ کی جائے گی تا کہ بعد میں ضروری قانونی کارروائی میں مدد مل سکے۔ احتجاجی صورتحال سے مؤثر انداز میں نمٹنے کے لئےضلعی انتظامیہ اور دیگر متعلقہ اداروں کے ساتھ رابطہ اور ہم آہنگی یقینی بنائی جائے گی تاکہ امن وامان پرصورت قائم رکھا جاسکے۔