واشنگٹن: چیف آف دی نیول اسٹاف ایڈمرل نوید اشرف نے امریکا کے دورہ کے دوران امریکا کی اعلیٰ بحری اور سول قیادت سے اہم ملاقاتیں کی ہیں۔ملاقاتوں کے دوران پیشہ ورانہ دلچسپی کے امور، علاقائی سلامتی، پیشہ ورانہ تربیت اور میری ٹائم تعاون پر تبادلہ خیال کیا گیا۔
نیول چیف نے امریکی ڈپٹی چیف آف دی نیول سٹاف آپریشنز اور کوسٹ گارڈ کے وائس کمانڈنٹ سے الگ الگ ملاقاتیں کیں۔نیول چیف نے امریکا کی نیشنل ڈیفنس یونیورسٹی کا بھی دورہ کیا اور یونیورسٹی کے صدر وائس ایڈمرل پیٹر اے گارون سے ملاقات کی۔ملاقاتوں کے دوران پیشہ ورانہ دلچسپی کے امور، علاقائی سلامتی، پیشہ ورانہ تربیت اور میری ٹائم تعاون پر تبادلہ خیال کیا گیا۔
نیول چیف نے امریکی محکمہ خارجہ کا بھی دورہ کیا۔ انہوں نے سیاسی وعسکری امور کے ڈپٹی اسسٹنٹ سکریٹری سٹینلے ایل برائون سے ملاقات کی۔ ایڈمرل نوید اشرف نیامریکی سکالرز اور تھنک ٹینک کے ماہرین سے خطاب کیا اورعلاقائی میری ٹائم سکیورٹی چیلنجز اور مشترکہ میری ٹائم کوششوں میں پاک بحریہ کے تعاون پر روشنی ڈالی۔ نیول چیف کے دورہ امریکا سے دونوں ممالک کے مابین میری ٹائم سکیورٹی اور دفاعی تعاون کو فروغ حاصل ہو گا۔