اسلام آباد
اسلام آباد ہائیکورٹ میں کیسز کی سماعت کے دوران کمرہ عدالت میں سائل بیہوش ہوکرگرگیا، فوری ہسپتال منتقل کردیاگیا۔گذشتہ روزدلنواز نامی درخواست گزار جسٹس محمد آصف کی عدالت پیش ہوا جہاں 36 سالہ دلنواز کی ضمانت قبل از گرفتاری کی دراخواست پر سماعت ہوئی، جسٹس محمد آصف نے ضمانت کی درخواست پر فیصلہ محفوظ کیا،اس موقع پرسائل دلنواز اچانک کمرہ عدالت میں بیہوش ہونے پر گرگیا جسے فوری ہائیکورٹ ڈسپنسری منتقل کردیاگیا، ڈسپنسری میں ابتدائی طبی امداد کے بعد دلنواز کوپولی کلینک ہسپتال منتقل کردیا گیا۔