نائب وزیراعظم اور وزیرِ خارجہ سینیٹر محمد اسحاق ڈار نے ہفتے کو کہا ہے کہ متحدہ عرب امارات (یو اے ای) پاکستان اور یو اے ای کے درمیان جاری اقتصادی تعاون کے تحت فوجی فاؤنڈیشن میں حصص حاصل کرنے جارہا ہے۔
وزارتِ خارجہ کی سالانہ کارکردگی اور کردار سے متعلق پریس کانفرنس سے خطاب کرتے ہوئے اسحاق ڈار نے متحدہ عرب امارات کے صدر کے حالیہ دورۂ پاکستان کا حوالہ دیا۔انہوں نے کہا کہ متحدہ عرب امارات فوجی فاؤنڈیشن میں کچھ حصص حاصل کرے گا، اس سرمایہ کاری سے ایک ارب ڈالر کی واجب الادا رقم کی ادائیگی میں مدد ملنے کی توقع ہے، جبکہ مزید دو ارب ڈالر کے قرضے کو رول اوور کیے جانے کا امکان ہے۔