اسلام آباد (ویب ڈیسک)
20 اکتوبر 2026
وفاقی آئینی عدالت میں گورنر راج اور ایمرجنسی کے نفاذ کے خلاف آئینی درخواست دائر کر دی گئی ہے۔
وفاقی آئینی عدالت میں محمدیوسف جاوید ایڈووکیٹ نے درخواست دائر کی ہے جس میں 11 اکتوبر 2026 کے ہنگامی حالت کے نوٹیفکیشن کو غیر قانونی، بدنیتی پر مبنی اور غیر آئینی قرار دینے کی استدعا کی گئی ہے۔
درخواست میں آئین کے آرٹیکل 232 اور 234 کے تحت جاری نوٹیفکیشن کوچیلنج کیا گیا ہے اور وفاق، صدر پاکستان، گورنر خیبرپختونخوا، حکومت خیبرپختونخوا اور دیگر متعلقہ حکام کو فریق بنایا گیا ہے۔
محمدیوسف جاوید ایڈووکیٹ نے درخواست میں مؤقف اختیار کیاہے کہ ہنگامی حالت کے غیر معمولی اختیارات آئین کے تابع ہیں اور ان کا عدالتی جائزہ لیا جا سکتا ہے، فریقین کو ایمرجنسی اور گورنر راج کا نوٹیفکیشن واپس لینے کی ہدایت کی جائے۔