اسلام آبا(ہیرالڈنیوز)
19 اکتوبر 2026
ایس آئی ایف سی کے ترجیحی شعبوں میں سرمایہ کاری اور ترقیاتی اقدامات میں پیش رفت سامنے آ گئی۔
بتایاگیاہے کہ رواں سال کے دوران ایس آئی ایف سی نے متعدد ترجیحی شعبوں میں سرمایہ کاری اور ترقیاتی اقدامات کو فروغ دیا۔
صنعتی شعبے میں 7 نئےسیمنٹ پلانٹس کی منظوری میں سہولت دی گئی جن میں تقریباً 700 ملین ڈالر کی سرمایہ کاری متوقع ہے۔ توانائی کے شعبے میں 435 کلومیٹر طویل وائٹ آئل پائپ لائن کی منظوری میں معاونت فراہم کی گئی۔
ایس آئی ایف سی کی معاونت سے جیٹ گرین کے 3 ملین ڈالر کے نجی ایئرلائن منصوبے کی زیرِ التوا منظوریوں کو کلیئر کیا گیاہے
صحت کے شعبے میں ویکسین پالیسی،ادویات کی جانچ اور معدنیات میں ویلیو ایڈیشن پر کام آگے بڑھایا گیاہےجبکہ ایس آئی ایف سی نے چین، سعودی عرب، امریکہ، آسٹریلیا اور جاپان کے ساتھ سرمایہ کاری روابط بھی وسیع کئے ہیں۔