اسلام آباد(ویب ڈیسک)
19 اکتوبر 2026
چین کی گوانگ ڈونگ ہاکی ٹیم میچز کھیلنے پاکستان پہنچ گئی جسکا پی ایچ ایف حکام نے شانداراستقبال کیاہے۔
پاکستان ہاکی فیڈریشن کے زیر اہتمام بین الاقوامی کھیلوں کے فروغ اور دوطرفہ تعلقات کو مزید مستحکم کرنے کی کڑی کے تحت چینی ٹیم پاکستان پہنچی ہے، مہمان ٹیم پاکستان میں ڈیپارٹمنٹل اور ڈومیسٹک ہاکی ٹیموں کے خلاف مختلف شہروں میں میچز کھیلے گی۔
پی ایچ ایف کے اعلیٰ حکام اور عہدیداروں نے ایئرپورٹ پر چینی ٹیم کا پرتپاک استقبال کیا، کھلاڑیوں اور آفیشلز کو پھولوں کے ہار پہنائے اور گلدستے پیش کیے۔
پی ایچ ایف ترجمان کے مطابق چینی ٹیم کا دورہ دونوں ممالک کے درمیان کھیلوں کے تعلقات کے فروغ میں اہم سنگ میل ثابت ہو گا، اس دورے سے پاکستانی کھلاڑیوں کو بین الاقوامی سطح پر صلاحیتیں نکھارنے کا موقع ملے گا۔