اسلام آباد (ویب ڈیسک)
10 اکتوبر 2026
پاکستان حکومت کی جانب سےخیبر پختونخوا میں ایمرجنسی لگانے کاقوی امکان پیداہو گیا ہے۔زمہ دارذرائع نے”اسلام آبادہیرالڈڈاٹ کام” کوبتایاکہ کے پی کے میں ایمرجنسی لگانے سے متعلق ملک کے دو بڑوں نے حتمی مشاورت مکمل کرلی ہےجس میں وفاقی کابینہ کوبھی مشاورت کےعمل میں شامل کرنیکافیصلہ کیاگیاہے۔
اس سلسلے میں ہفتہ کی شام کوایوان صدر میں صدرمملکت آصف علی زرداری سے وزیر اعظم محمدشہباز شریف کی اہم ملاقات ہوئی جس میں ملک کی مجموعی سیاسی اورسیکیورٹی صورتحال پر تبادلہ خیال کیا گیا۔خیبرپختونخوا کی صورتحال پر گورنر فیصل کریم کنڈی کی جانب سے بھیجوائی گئی رپورٹ پربھی تفصیلی غوروخوض کیا گیاہے۔
ایوان صدرکے جاری اعلامیہ میں کہاگیاہے کہ ملاقات میں وزیراعظم کی معاونت نائب وزیراعظم سینیٹر اسحاق ڈار، مشیر برائےسیاسی امورسینیٹر رانا ثناء اللہ،وفاقی وزیر داخلہ محسن نقوی،اٹارنی جنرل منصورعثمان اعوان، وزیر قانون وانصاف سینیٹر اعظم نذیر تارڑ اور وفاقی وزیر سینیٹر احد چیمہ نے کی جبکہ صدر مملکت کی معاونت سینیٹر شیری رحمان، سید نوید قمر، سینیٹر سلیم مانڈوی والا اور ڈاکٹر عاصم نے کی۔
بتایاگیاہے کہ ایمرجنسی کے نفاذ کی اتوار گیارہ اکتوبرکووفاقی کابینہ سے منظوری لئےجانے کا امکان ہے۔اسی مقاصد کی خاطروفاقی کابینہ کا اجلاس اتوار کی صبح ساڑھے 9 بجے طلب کر لیا گیا ہے۔
وفاقی کابینہ اجلاس میں ایمرجنسی کی توثیق کے لئے پارلیمنٹ کے دونوں ایوانوں سینٹ اورقومی اسمبلی کے الگ الگ اجلاس بلانے پر بھی اتفاق کرلیاگیا ہے۔