اسلام آباد (ویب ڈیسک)
23 اکتوبر 2026
افغانستان سے دراندازی اور دہشت گردی کے خدشات کے پیش نظر وسطی ایشیا میں سرحدی دفاع مضبوط بنانے کےلئےعسکری اقدامات مزید سخت کردئیےگئے ہیں۔
ازبک جریدہ دی تاشقند ٹائمز کے مطابق روس اور ازبکستان نے افغان سرحد کے قریب مشترکہ عسکری اقدام کے تحت سرحدی شہر ترمذ میں فوجی مشقیں کوآپریشن 2026 شروع کر دی ہیں۔
دی تاشقند ٹائمز کے مطابق 20 سے 27 اکتوبر تک جاری رہنے والی مشقوں میں دونوں ممالک کے فوجی دستے، جنگی ڈرونز اور ہیلی کاپٹر حصہ لے رہے ہیں، فوجی مشقوں کا مقصد افغانستان سے دہشت گردوں کی سرحد پار دراندازی روکنا اور سرحدی دفاعی صلاحیتوں کو مزید مضبوط بنانا ہے۔
واضح رہے کہ روسی وزیر خارجہ سرگئی لاوروف افغانستان سے دہشت گردی کے خطرات پر حال ہی میں خبردار کرتے ہوئے کہہ چکے ہیں کہ تاجکستان اور ازبکستان سے ملحقہ افغان علاقوں میں دہشت گردوں کے بڑے تربیتی کیمپ موجود ہیں۔