اسلام آباد (کورٹ رپورٹر)
بانی پی ٹی آئی کی شفاء ہسپتال منتقلی کے معاملے پرعظمیٰ خان نے توہین عدالت درخواست کی جلد سماعت کے لیے سپریم کورٹ میں درخواست دائر کر دی ہے۔
درخواست میں موقف
درخواست میں کہا گیا ہے کہ "بانی کی صحت خراب ہو رہی ہے” اور جلد سماعت کا معاملہ بانی کی صحت اور زندگی سے جڑا ہوا ہے۔
درخواست گزار کے مطابق *حکومت نے عدالتی فیصلے کی حکم عدولی کی ہے ۔
"اگر کوئی وضاحت درکار تھی تو متعلقہ عدالت سے رجوع کیا جاتا، عدالتی فیصلے سے انحراف نہیں کیا جا سکتا تھا”۔
استدعا
عظمیٰ خان نے عدالت سے استدعا کی ہے کہ توہین عدالت کی درخواست کو رواں ہفتے سماعت کے لیے مقرر کیا جائے ۔
بیرسٹر گوہر کی میڈیا سے گفتگو
سپریم کورٹ کے باہر میڈیا سے گفتگو میں بیرسٹر گوہرنے کہا:
– "سپریم کورٹ کا 18 اگست کے فیصلہ پر عمل درآمد نہیں ہوا”
– "ہم نے توہین عدالت کی درخواست جلد سماعت کے لیے استدعا کی”
– "عوامی سہولت سینٹر پر رجسٹرار سپریم کورٹ سے ملاقات ہوئی”
– "رجسٹرار نے بتایا ہماری درخواست پر اعتراض عائد کیا گیا ہے، فائل واپس کر دی گئی ہے”
– "ہم اعتراض دور کر کے درخواست دوبارہ دائر کریں گے”
– "ہم چاہتے ہیں وہی بنچ آج ہی تشکیل دے دیا جائے تاکہ جمعرات کو سماعت ہو جائے”
– "بانی پی ٹی آئی کی صحت بہت ضروری ہے۔ برائے مہربانی بانی کی فیملی ممبران سے ملاقات کرائیں۔ ہم اپنا وعدہ پورا کر چکے ہیں”
پس منظر
سپریم کورٹ نے 18 اگست کو بانی پی ٹی آئی کی شفاء ہسپتال منتقلی کا حکم دیا تھا۔
وفاقی حکومت نے اسی حکم کے خلاف نظرثانی درخواست بھی دائر کی ہے جس پر سپریم کورٹ نے جلد سماعت کی استدعا مسترد کر دی تھی۔