پشاور(بیورورپورٹ)
31 اکتوبر 2026
خیبرپختونخوا کی سرکاری جامعات کو درپیش تعلیمی، انتظامی اور مالیاتی مسائل کے حل کے لیے پشاور میں وائس چانسلرز کانفرنس کا انعقاد۔
وائس چانسلر جامعہ پشاور پروفیسر ڈاکٹر جوہر علی، سیکریٹری اعلیٰ تعلیم، صوبے کی سرکاری جامعات کے وائس چانسلرز اور دیگر حکام کی شرکت۔ ممبر ایڈوائزری کونسل برائے تعلیم ڈاکٹر عامر عبداللہ بطور مہمان خصوصی شریک ہوئے۔
ڈاکٹر عامر عبداللہ نے خطاب کرتے ہوئے کہا کہ جامعات کے مسائل کے حل،ادارہ جاتی اصلاحات اور مالی استحکام کے لیے اجتماعی مشاورت ناگزیر ہے۔
انکاکہناتھا کہ جامعات میں معیاری تعلیم، مثبت سرگرمیوں کے فروغ اور منشیات کے خاتمے کے لیے زیرو ٹالرنس پالیسی پر عمل درآمد کیا جائے۔
ڈاکٹر عامر عبداللہ نے مالیاتی گورننس، داخلی آڈٹ، تحقیق اور تعلیمی معیار بہتر بنانے پر زور دیا۔ کانفرنس کے ورکنگ گروپس نے مسائل کے حل کے لئے سفارشات مرتب کر لیں۔