اسلام آباد(مانیٹرنگ ڈیسک)
31اکتوبر 2026
بھارت چین سرحدی جھڑپوں میں شدت، مودی حکومت کی دفاعی پالیسی عالمی تنقید کی زد میں آ گئی۔ چین کے سامنے بھارتی سرحدی فورس کی بے بسی کا اعتراف مودی حکومت کی دفاعی پالیسی پر کاری ضرب بن گیا۔
عالمی جریدہ الجزیرہ کے مطابق چین کے ہاتھوں سرحدی ناکامی مودی حکومت کی کمزور دفاعی حکمت عملی کا منہ بولتا ثبوت ہے۔
الجزیرہ کے مطابق چینی فوج کی پیشہ ورانہ مہارت نے سرحدی علاقوں میں بھارتی فوج کی سکیورٹی خامیوں کو نمایاں کر دیا ہے۔ اس سے قبل بھی چین بھارت جھڑپوں میں 20 بھارتی اہلکاروں کی ہلاکت نے مودی کی جنگی صلاحیت پر سنگین سوالات اٹھا دیے تھے۔
بھارتی سیٹلائٹ تصاویر نے چین کے برتر تزویراتی کنٹرول اور متنازع علاقوں پر بھارتی ناکامی کی تصدیق کر دی ہے۔
برطانوی خبر رساں ادارے کے مطابق چینی افواج کی بھارتی سرحد میں کئی کلومیٹر تک پیش قدمی اور خیموں کی تنصیب نے بھارتی فوج کی نااہلی کو بے نقاب کر دیا۔
سکیورٹی ماہرین کے مطابق بھارت کے ہمسایہ ممالک سے بڑھتے تنازعات نے مودی حکومت کی علاقائی پالیسی اور دفاعی دعوؤں کا پول کھول کررکھ دیا۔