لاہور :وزیراعلی پنجاب مریم نواز شریف نے کہا ہے کہ امن سے نفرت کے اندھیروں میں روشنی پھیلتی ہے ،انسانیت کا سب سے مقدس فرض اور ضرورت امن قائم رکھنا ہے۔ اتوار کو ”امن ”کے عالمی دن کے موقع پر جاری بیان میں انہوں نے کہا کہ امن ہی وہ طاقت ہے جو انسان کو انسان بناتی ہے،امن ہی ترقی کا پہلا قدم ہے، جس سے نفرت کے اندھیروں میں بھی روشنی پھیل جاتی ہے۔
شہدا کو خراج عقیدت پیش کرتے ہوئے وزیر اعلی مریم نواز نے کہا کہ سلام ان پر جو امن کیلئے اپنی جانوں کا نذرانہ پیش کرکے امر ہو گئے، امن صرف جنگ کے ختم ہونے کا نام نہیں، یہ انصاف اورمحبت و احترام کے ساتھ جینے کا دوسرا نام ہے۔ا نہوں نے مزید کہا کہ پاکستان امن کا علمبردار ہے اور اس نے امن کے لیے بے پناہ قربانیاں د ی ہیں۔