اسلام آباد: اسلام آباد چیمبر آف کامرس اینڈ انڈسٹری اور ڈی واٹسن لیبارٹریز کے درمیان ممبران کے لئے رعائتی قیمت کے لئے مفاہمت کی یاداشت پر دستخط کیے گئے۔ سابق صدر آئی سی سی اور چیف ایگزیکٹو ڈی واٹسن لیبارٹریز احسن بختاوری اور اسلام آباد چیمبر کی ہیلتھ کمیٹی کے کنوینر عبد الرحمان صدیقی نے ایم او یو پر دستخط کیے۔ اس موقع پر اسلام آباد چیمبر آف کامرس اینڈ انڈسٹری کے صدر سردار طاہر محمود، نائب صدر عرفان چوہدری، ایگزیکٹو ممبر ذوالقرنین عباسی، سابق سینئر نائب صدر خالد چوہدری، کرنل کامران اور دیگر بھی موجود تھے۔
