اسلام آباد(ویب ڈیسک)اسلام آباد ہائیکورٹ نے پی ٹی آئی رہنما روف حسن کا نام سفری پابندی کی فہرست ای سی ایل سے نکالنے پر توہین عدالت کی درخواست نمٹا دی۔
ڈپٹی اٹارنی جنرل فیصل عرفان نے جسٹس راجہ انعام امین منہاس کی عدالت کو آگاہ کیا کہ روف حسن کا نام سفری پابندی کی فہرست سے نکال دیا گیا ہے۔
جسٹس راجہ انعام امین منہاس نے ریمارکس دئیے کہ "آپ کا نام سفری پابندی کی فہرست سے نکال دیا گیا ہے” اور کہا "ہم درخواست نمٹا رہے ہیں”۔
روف حسن اپنی وکیل عائشہ خالدکے ہمراہ عدالت میں پیش ہوئے۔ انہوں نے عدالتی حکم پر عمل درآمد نہ ہونے پر توہین عدالت کی درخواست دائر کر رکھی تھی۔