اسلام آباد (ویب ڈیسک) آئی ایم ایف نےگردشی قرضہ کم کرنے،،پیٹرولیم لیوی پرمتبادل ذرائع تلاش کاہدف دیدیاہے۔پاکستان اور آئی ایم ایف کے درمیان چوتھے اقتصادی جائزہ پرمذاکرات شروع ہوگئے ہیں۔آئی ایم ایف مشن نے پاکستان سے مالیاتی استحکام اور توانائی کے شعبے میں بڑھتے ہوئے گردشی قرضے کو کم کرنے کا مطالبہ کیا ہے اور بڑھتے ہوئے قرضوں کے بوجھ پر تحفظات کا اظہار کیا ہے۔
ذرائع نے مذید بتایاکہ آئی ایم ایف کا کہنا ہے کہ پیٹرولیم لیوی میں کمی کی صورت میں متبادل ذرائع سے آمدن حاصل کرنا ہوگی۔
آئی ایم ایف کوپاکستانی حکام نے یقین دہانی کرائی ہے کہ خلیجی کشیدگی کے باوجود ساختی اصلاحات کا عمل جاری رہے گا۔ایندھن کی قیمتوں میں اضافے کا بوجھ عوام پرمنتقل کیاجائے گا تاہم کمزور طبقات کے لیے ٹارگٹڈ سبسڈیز متعارف کرائی گئی ہیں تاکہ خلیج میں درپیش صورتحال اورآئی روز بڑھتی پٹرولیم مصنوعات کی قیمتیں میں اضافہ کاعوام پر بوجھ کم سے کم کیاجاسکے۔