راولپنڈی (ویب ڈیسک) راولپنڈی میں تھانہ واہ کینٹ کے علاقے میں پولیس کی موجودگی میں بااثر افراد نے خواتین اور بزرگوں پر تشدد کیا، پولیس خاموش تماشائی بنی رہی۔
اسلام آبادہیرالڈ ڈاٹ کام کودستیاب واقعہ کی سامنے آنے والی ویڈیوز میں خواتین چیخ چیخ کر پولیس سے مدد مانگتی رہیں لیکن پولیس بااثرافراد کے ہمراہ متاثرہ فیملی کے گھر میں داخل ہوتی نظر آئی۔
متاثرہ فیملی کے سربراہ صفدر علی نے ویڈیو بیان میں کہاہے کہ دو سال قبل اپنا گھر ایک سابق سرکاری افسر کوایک سال معاہدہ پر کرائے پر دیا تھا۔معاہدہ ختم ہونے کے بعد ایک سال سے گھر خالی کرنے کا کہہ رہے ہیں مگر نہ کرایہ دیا جا رہا ہے نہ ہی گھر خالی کیا جا رہا ہے۔انکاکرایہ دارمتعددافراد کے ساتھ گھر میں داخل ہوا۔سب افرادخواتین پر تشدد اور توڑ پھوڑ کرتے رہے۔
ادھرپولیس حکام کاکہناہے کہ یہ اوورسیز فیملی اورسابق سرکاری افسر کے درمیان گھر خالی کرانے کا تنازع چل رہاہے۔قانون کے مطابق ہرصورت قصوروارچاہے جتنا بھی بااثر ہواایکشن ہوگااورپولیس کارروائی نظر آئے گی۔