اسلام آباد (ویب ڈیسک) فیڈرل پبلک سروس کمیشن (ایف پی ایس سی) نے مختلف امتحانات اور ٹیسٹوں کے انعقاد کا شیڈول جاری کر دیا۔
ایف پی ایس سی کے جاری کردی شیڈول کےمطابق ایم پی ٹی 2027 کا امتحان 10 اکتوبر 2026 کو ہوگا جبکہ جنرل ریکروٹمنٹ فیز تھری 2026 کے ٹیسٹ 12 سے 19 اکتوبر تک جاری رہیں گے۔
ایم پی ٹی امتحانات ملک کے 19 شہروں میں جبکہ جنرل ریکروٹمنٹ فیز تھری کے ٹیسٹ 13 شہروں میں بیک وقت منعقد ہوں گے۔
ایف پی ایس سی نے امیدواروں کے ایڈمیشن سرٹیفکیٹس اور ٹائم ٹیبل ویب سائٹ پر اپ لوڈ کردئیے ہیں۔ امیدوار اصل شناختی کارڈ کے ہمراہ مقررہ وقت پر مرکز پہنچیں، امتحان سے 15 منٹ قبل ہال کے دروازے بند کر دیے جائیں گے۔
ایف پی ایس سی نے 7 کیسز کو جنرل ریکروٹمنٹ فیز تھری 2026 سے خارج کر دیا ہے۔