راولپنڈی (ویب ڈیسک)
05اکتوبر۔2026
راولپنڈی میں تعینات خاتون ایڈیشنل ڈپٹی کمشنر ہیڈکوارٹرز مسماۂ “م س”پرمبینہ تشدد کے مقدمے میں نامزد ملزم شوہر پراپرٹی ڈیلر جوادعلی کوپولیس نے چھاپہ مارکرگرفتارکرلیا ہے۔جسے عدالت نے چودہ روزہ جوڈیشل ریمانڈ پراڈیالہ جیل بھیج دیاہے۔
بتایاگیاہے کی ملزم پراپرٹی ڈیلرجوادعلی کیخلاف انکی اہلیہ راولپنڈی میں تعینات ایڈیشنل ڈپٹی کمشنرہیڈکوارٹرزملیحہ سحر کی مدعیت میں درج کیا گیاہے۔ذرائع کاکہنا ہے کہ ایف آئی آر کے مطابق خاتون افسر نے الزام عائد کیا کہ انہیں کئی ماہ سے جسمانی اور نفسیاتی تشدد کا سامنا کرنا پڑرہا تھا۔
ایف آئی آرکے مطابق 2 اکتوبر کی شام شوہر پراپرٹی ڈیلرجواد علی نے انہیں تشدد کا نشانہ بنایا۔انکاموبائل فون چھین کر کمرے میں بندکر دیا اور اہل خانہ سے رابطے،بچوں سے ملاقات اور پولیس سے مدد لینے سے مسلسل روکے رکھا۔
علاوہ ازیں ایف آئی آر میں مذیدکہا گیا ہے کہ دھمکیوں اور نفسیاتی اذیت کا سلسلہ 3 اکتوبر کو بھی جاری رہاجبکہ شوہر نے انہیں جان سے مارنے اور بچوں کو نقصان پہنچانے کی سنگین دھمکیاں بھی دیں۔
راولپنڈی کے تھانہ ویمن کی پولیس ٹیم نے ملزم پراپرٹی ڈیلرجواد علی کو گرفتار کر کے عدالت میں پیش کیاجسے عدالت نے 14 روزہ جوڈیشل ریمانڈ پر اڈیالہ جیل بھیجنے کاحکم جاری کردیاہے۔