اسلام آباد (ویب ڈیسک)
06اکتوبر۔2026
پاکستان حکومت نے متعددافسران کے تقررو تبادلے اورریٹائرمنٹ کے احکامات جاری کردئیے ہیں۔
اسٹیبلشمنٹ ڈویژن کے نوٹیفکیشن کے مطابق چیف فنانس آفیسر سمندر پار پاکستانیز ڈویژن محمد ظفر جمال خٹک کی خدمات آڈیٹر جنرل کو واپس کر دی گئیں، جبکہ پاکستان ڈیجیٹل اتھارٹی کے ڈسپوزل پر موجود او ایس ڈی محمد خان بابر کو اسٹیبلشمنٹ ڈویژن رپورٹ کرنے کی ہدایت کی گئی ہے۔
سینئر سائنٹیفک آفیسر این وی ایل ڈاکٹر ظفر اقبال تنویر کو ڈپٹی ڈائریکٹر ڈریپ تعینات کر دیا گیا، جبکہ سینئر میڈیکل آفیسر کے پی ڈاکٹر فاطمہ بی بی کو قومی ادارہ برائے بحالی طب میں تعینات کیا گیا ہے۔ سینئر جوائنٹ سیکرٹری آبی وسائل عثمان یعقوب خان کی 20 مارچ 2027 کو ریٹائرمنٹ کا نوٹیفکیشن بھی جاری کر دیا گیا۔
کیپٹن (ر) محمد خرم آغا کی بطور سیکرٹری بحری امور ڈویژن تعیناتی کا نوٹیفکیشن جاری کردیا گیاہے۔ پاکستان ایڈمنسٹریٹو سروس گریڈ22 کے کیپٹن (ر) محمد خرم آغا اس سے قبل او ایس ڈی اسٹیبلشمنٹ ڈویژن تھے۔