پشاور(بیورورپورٹ)
20 اکتوبر 2026
صوبہ خیبرپختونخوا میں گورنر راج کے بعد پشاور میں صفائی مہم شروع کردی گئی ہے۔
پشاور کی انتظامیہ کے مطابق عوام کو بہترین ماحول کی فراہمی کے لئے تمام متعلقہ ادارے متحرک ہیں، پشاور کے مختلف علاقوں میں صفائی ستھرائی اور کوڑا کرکٹ کو مناسب طریقے سے ٹھکانے لگانے کے لیے موثر اقدامات کئے جا رہے ہیں۔
پشاورسمیت دیگر علاقوں میں بازاروں، تجارتی مراکز، اہم شاہراہوں اور عوامی مقامات کو صاف ستھرا رکھنے کے لئے متعلقہ عملہ متحرک ہے۔
بتایاگیاہے کہ کے پی کے میں تمام بڑے اورگنجان آباداضلاع میں سال ہا سال سے صفائی کے ناقص انتظامات نے علاقوں کی خوبصورتی گہنا کررکھ دی تھی جس پر اب ترجیحی بنیادوں پر کام کیاجارہا ہے
جس میں پہلے مرحلہ میں کے پی کے میں تجاوزات کے خاتمہ اور صفائی ستھرائی پر خصوصی توجہ دیکر بھرپور اقدامات اٹھائے جارہے ہیں ۔ متعلقہ اضلاع کی انتظامیہ کو پوری طرح متحرک کردیاگیاہے اور انہیں گورنر کی جانب سے سخت ہدایات جاری کی گئی ہیں۔