اسلام آباد (ویب ڈیسک)
20 اکتوبر 2026
قومی احتساب بیورو (نیب) نے سال 2026 کی تیسری سہ ماہی کی رپورٹ جاری کر دی ہے۔
نیب رپورٹ کے مطابق تیسری سہ ماہی میں 9180 ارب روپے کے اثاثے بازیاب کرائے، تیسری سہ ماہی میں نیب کی ریکوری پہلی دو سہ ماہیوں کی مجموعی ریکوری کے مقابلے میں 169 فیصد بڑھ گئی۔
رپورٹ میں مذیدبتایا گیا کہ تیسری سہ ماہی کے دوران 4280 متاثرین کو 90.84 کروڑ روپے کی رقم واپس دلائی گئی، نیب اور پاکستان ریلوے کی مشترکہ ٹاسک فورسز کے قیام کے بعد 6,780 ارب روپے مالیت کی 2 لاکھ 35 ہزار کنال اراضی بازیاب کرائی گئی۔
نیب کی رپورٹ کے مطابق نیب سکھر، ملتان، لاہور، بلوچستان اور خیبرپختونخوا میں مجموعی طور پر 7,598.30 ارب روپے مالیت کی اراضی بازیاب کرائی گئی، نیب نے 2026 کے دوران اب تک مجموعی طور پر 14,600 ارب روپے مالیت کے سرکاری اثاثے بازیاب کرائے جاچکے ہیں۔