اسلام آباد (ویب ڈیسک)
21 اکتوبر 2026
حکومت پاکستان نے تقرر و تبادلوں کے احکامات جاری کرتے ہوئے وفاقی سیکرٹری موسمیاتی تبدیلی اویس منظور سمرا کو تفویض سیکرٹری آبی وسائل ڈویژن کے اضافی چارج میں مذید توسیع دے دیدی ہے۔
نوٹیفکیشن کے مطابق ڈی جی حج جدہ عبدالوہاب سومرو کو اسٹیبلشمنٹ ڈویژن رپورٹ کرنے کی ہدایت کر دی گئی، پنجاب میں تعینات پاکستان ایڈمنسٹریٹو سروس گریڈ 18 کے انیل سعید کی خدمات سی ڈی اے کے سپرد کر دی گئیں جبکہ سیکشن افسر دفاع ڈویژن الطاف حسین کو اسٹیبلشمنٹ ڈویژن رپورٹ کرنے کی ہدایت کی گئی۔
علاوہ ازیں حکومت پاکستان نے انلینڈ ریونیو سروس کے 8 افسران کی خدمات بھی ڈیپوٹیشن پر 3 سال کے لیے خیبر پختونخوا حکومت کے سپرد کر دیں، جن میں گریڈ 20 کی نفیسہ ستی، گریڈ 19 کے غلام مصطفیٰ اور رفعت عزیز، گریڈ 18 کی اقصیٰ غرشین، سہیل انجم اور سحرش جاوید جبکہ گریڈ 17 کی فاطمہ طارق اور محمد ضرار ارشاد شامل ہیں۔
اسٹیبلشمنٹ ڈویژن نے تقررو تبادلوں کے احکامات کے نوٹیفکیشنز جاری کردئیے ہیں