اسلام آباد(خصوصی نامہ نگار)
دنیا بھر کی طرح پاکستان میں بھی عید میلاد النبی ﷺ آج مذہبی عقیدت و احترام کے ساتھ منائی جا رہی ہے۔
ملک بھر میں دن کا آغاز پاک فوج کی جانب سے توپوں کی سلامی سے ہوا۔
توپوں کی سلامی
علی الصبح پاک فوج کے دستوں نے وفاقی دارالحکومت اسلام آباد میں 31 جبکہ صوبائی دارالحکومتوں میں 21 توپوں کی سلامی پیش کی۔
کراچی، لاہور، کوئٹہ، پشاور، گلگت بلتستان اور مظفرآباد آزاد جموں و کشمیر میں بھی پاک فوج کے دستوں نے توپوں کی سلامی پیش کی۔
جشن عید میلاد النبی ﷺ کے موقع پر ملک بھر میں مساجد میں محافل، درود و سلام اور نعت خوانی کی محافل کا سلسلہ جاری ہے۔ سرکاری اور نجی عمارتوں کو رنگین قمقموں سے سجایا گیا ہے۔