راولپنڈی(ویب ڈیسک)تھانہ نصیر آباد کے علاقے سادہ روڈ پرسی سی ڈی ٹیم اور جرائم پیشہ ملزمان کے درمیان مبینہ مقابلہ کے دوران فائرنگ کے تبادلے میں ڈکیتی اور پولیس پرفائرنگ و مزاحمت میں ملوث ملزم ہلاک ہو گیاہے۔
پولیس ذرائع کے مطابق سی سی ڈی ٹیم پر 3 ملزمان نے فائرنگ کی۔ جوابی کارروائی میں ڈکیتی، نقب زنی اور پولیس پر فائرنگ سمیت متعدد مقدمات میں مطلوب ملزم حضرت بلال کو زخمی حالت میں گرفتار کرلیاگیاتھا۔
گرفتاری کے بعد ملزم سے 30 بور کا پسٹل بھی برآمد ہوا۔ زخمی ملزم کو علاج کےلئے ہسپتال منتقل کیاجارہا تھا کہ وہ راستے میں دم توڑ گیا۔
پولیس کے مطابق ملزم حضرت بلال نے چندروز قبل تھانہ نصیر آبادکے میں محافظ اہلکار عمر مہدی کوفائرنگ کر کے زخمی کیا تھا۔ملزم کچھ عرصہ قبل تین سال قیدکی کاٹ کر جیل سے رہا ہوا تھا۔