اسلام آباد (ویب ڈیسک) پاکستان کی معیشت پرمشرق وسطیٰ کی کشیدہ صورتحال کی وجہ سےمنفی اثرات پڑنے لگ گئے ہیں ہیں۔ذرائع نے بتایاہے کہ مشرق وسطی میں درپیش حالات کے باعث گزشتہ مالی سال کے مقابلے میں پاکستان کی برآمدات میں ایک ارب 20 کروڑ ڈالر کی کمی ہوگئی ہے۔
ذرائع کاکہنا ہے کہ تازہ ترین اعدادوشمار کے مطابق مالی سال 2025-26 میں پاکستان کا مجموعی برآمدی حجم 32 ارب ڈالر سے کم ہو کر 30 ارب 80 کروڑ ڈالر پر آگیا ہے۔
جس میں سب سے زیادہ چاول کی برآمدات میں ایک ارب 2 کروڑ ڈالر کی بھاری کمی واقع ہوگئی ہے۔اسی طرح ٹیکسٹائل،چینی اور دیگر زرعی مصنوعات کی برآمدات بھی متاثرہوئی ہیں۔پاکستان کی خلیجی ممالک کو برآمدات میں 10 کروڑ ڈالر کی کمی سامنے آئی ہے۔وسطی ایشیااور افغانستان کے لئے برآمدات میں 59 فیصدکمی سامنے آئی ہے۔