راولپنڈی (کرائم رپورٹر) راولپنڈی کی اڈیالہ جیل میں قید بانی پی ٹی آئی کی اہلیہ بشریٰ بی سے منگل کو ملاقات کرادی گئی۔
ذرائع کے مطابق میاں بیوی کی ملاقات تقریباً 40 منٹ تک جیل کے اندر کانفرنس روم میں ہوئی۔
تاہم بانی پی ٹی آئی کی تینوں بہنوں، دیگر فیملی ممبران اور پارٹی رہنماؤں کو ملاقات کی اجازت نہ مل سکی۔
تینوں بہنیں جیل مینوئل کے مطابق ملاقات کا وقت گزر جانے کے بعد بھی تقریباً دو گھنٹے سے زائد وقت تک اڈیالہ روڈ فیکٹری ناکے پر موجود رہیں۔ ملاقات نہ ہونے پر وہ بالآخر ناامید ہو کر واپس چلی گئیں۔