اسلام آباد(ویب ڈیسک) پاکستان نے ٹینٹ پیگنگ ورلڈ کپ کے کوالیفائر میں شاندار کارکردگی کا مظاہرہ کرتے ہوئے پہلی پوزیشن حاصل کر لی۔
پاکستان نے عمان میں منعقدہ انٹرنیشنل ٹینٹ پیگنگ فیڈریشن ورلڈ کپ کوالیفائر میں پہلی پوزیشن حاصل کی۔
پاکستانی دستے نے عمدہ کارکردگی کا مظاہرہ کیا اور 455 پوائنٹس کے ساتھ مجموعی طور پر پہلی پوزیشن اپنے نام کی۔ پاکستانی ٹیم نے گھڑ سواری کی مہارت کا بھرپور مظاہرہ کرتے ہوئے 6 طلائی، 5 چاندی اور 2 کانسی کے تمغے حاصل کیے۔
یہ کامیابی ایکوسٹرین فیڈریشن آف پاکستان سے وابستہ گھڑ سواروں، کوچز اور معاون عملے کی محنت، عزم اور لگن کا مظہر ہے۔
عمان میں کامیابی کے بعد اب پاکستانی ٹیم اردن میں منعقد ہونے والے 5 ویں انٹرنیشنل ٹینٹ پیگنگ ورلڈ کپ میں ملکی نمائندگی کرے گی۔