اسلام آباد(ویب ڈیسک) راولپنڈی میں 21 سالہ مسیح خاتون صبا مسیح کے قتل کا سینٹ قائمہ کمیٹی برائے انسانی حقوق نے نوٹس لے لیا۔
سینٹ قائمہ کمیٹی برائے انسانی حقوق کی چیئرپرسن ثمینہ ممتاز زہری نے المناک واقعے پر سخت نوٹس لیتے ہوئے آئی جی پولیس پنجاب سے کیس کی تفصیلی رپورٹ طلب کر لی۔
چیئرپرسن نے رپورٹ میں کیس کے تمام حقائق، تحقیقات کی صورتحال اور تفتیشی افسر کے نتائج شامل کرنے کی ہدایت کی۔ متاثرہ خاندان کو شفاف اور جلد انصاف کی فراہمی یقینی بنانے کی ہدایت بھی کی گئی۔
آئی جی پنجاب کو رپورٹ جلد از جلد سینٹ سیکرٹریٹ میں جمع کرانے کا حکم دیا گیا ہے۔
سینٹ قائمہ کمیٹی کا نوٹس آئی جی پنجاب پولیس اور سٹی پولیس آفیسر کو ارسال کر دیا گیا۔