اسلام آباد(ویب ڈیسک) فیڈرل پبلک سروس کمیشن نے 24 اور 25 ستمبر کو شیڈول انٹرویوز ملتوی کر دیئے ہیں۔
امن و امان کے خدشات کے سبب انٹرویوز ملتوی کرنے کا پبلک نوٹس جاری کر دیا گیاہے۔
ایف پی ایس سی کے مطابق 24 اور 25 ستمبر کے انٹرویوز لاہور، اسلام آباد، پشاور سنٹرز میں شیڈول تھے۔سڑکوں کی بندش اورموجودہ امن و امان کی صورتحال کے باعث انٹرویوز ملتوی کردئیےگئے ہیں۔
انٹرویوز امیدواروں کوممکنہ مشکلات سے بچانے کے لئے ملتوی کئے گئے ہیں۔
وائس پرنسپل گریڈ 18، ایکس ایف جی اسکولز، ایف ڈی ای اور سینئر ایلیمنٹری ٹیچر گریڈ 16، اسلام آباد ماڈل اسکولز کے انٹرویوز ملتوی کردئیے گئے ہیں۔
فیڈرل پبلک سروس کمیشن کے مطابق ملتوی انٹرویوز کی نئی تاریخوں کی تفصیلات بعد میں جاری کی جائیں گی۔