اسلام آباد (ویب ڈیسک) وزیراعظم آفس اور سرمایہ کاری بورڈ کی 17 آسامیوں کے ٹیسٹ تاحکم ثانی ملتوی کردئیے گئے ہیں۔فیڈرل پبلک سروس کمیشن (ایف پی ایس سی) نے وزیراعظم آفس کی 5 اسامیوں سمیت سرمایہ کاری بورڈ کی اسامیوں کے ٹیسٹ تاحکم ثانی روک دئیےہیں۔
ایف پی ایس سی کے مطابق سرمایہ کاری بورڈ کی اسامیوں کے ٹیسٹ 12 اکتوبر سے شیڈول تھے۔ڈائریکٹر جنرل بی ایس 20 کی ایک پوسٹ، ڈائریکٹر بی ایس 19 کی 4 پوسٹوں، ڈپٹی ڈائریکٹر بی ایس 18 کی 6 نشستوں، اسسٹنٹ ڈائریکٹر بی ایس 17 کی 3 نشستوں اور پبلک ریلیشن آفیسر بی ایس 16 کی 3 نشستوں کے ٹیسٹ ملتوی کئے گئے ہیں۔مجموعی طور پر 17 آسامیوں کے ٹیسٹ ملتوی کردئیے گئے ہیں۔ایف پی ایس سی نے باقاعدہ پبلک نوٹس جاری کردیاہے۔