اسلام آباد(ویب ڈیسک)لاہور ہائی کورٹ کے حکم کے باوجود ضروری اشیاء نہ پہنچانے پربانی پی ٹی آئی کی تینوں بہنوں نے کوٹ لکھپت جیل لاہورمیں بھوک ہڑتال کردی ہے۔بانی پی ٹی آئی کی تینوں بہنوں علیمہ خان، ڈاکٹر عظمیٰ اور نورین نیازی نے احتجاجا”بھوک ہڑتال کی ہے۔
بانی پی ٹی آئی کے کزن قاسم زمان نے اڈیالہ روڈ پرمیڈیا سے گفتگو میں بتایا کہ لاہور ہائی کورٹ نے ضروری اشیاء فراہم کرنے کا حکم دیا تھا، لیکن عدالتی حکم کے باوجود پیر سے نہ ملاقات کرائی گئی اور نہ ہی اشیاء جیل کے اندر انہیں پہنچائی گئی ہیں۔
انہوں نے الزام لگایا کہ جیل عملے نے بدتمیزی کی جس پر بہنوں نے کھانے کی اشیاء واپس کر دیں اور 48 گھنٹے سے بھوک ہڑتال پر ہیں۔
قاسم زمان نے مطالبہ کیا کہ تینوں بہنوں کی فوری ملاقات کرائی جائے اور وکیل تک رسائی دی جائے۔