اسلام آباد (ویب ڈیسک) پاکستان میں تجارت کے فروغ اور کسٹمز نظام کی جدید کاری کے لیے اہم پیش رفت سامنے آئی ہے۔
پاکستان سنگل ونڈو نے ہانگ کانگ کسٹمز کے بلاک چین پلیٹ فارم "ویلیڈ اے پی” (Validation & Authentication Platform) کے ساتھ انضمام فعال کر دیا ہے۔
اس انضمام سے پاکستان سنگل ونڈو سے جاری الیکٹرانک تجارتی دستاویزات کی ڈیجیٹل تصدیق ممکن ہو گی، بغیر اصل دستاویز یا حساس معلومات پلیٹ فارم پر منتقل کیے۔
18 مئی 2026 کو پاکستان کسٹمز اور ہانگ کانگ کسٹمز کے درمیان مفاہمتی یادداشت کے بعد پاکستان اس پلیٹ فارم میں شامل ہونے والا پہلا ملک بن گیا ہے۔